चाकण नगरपरिषद निवडणूक 2025 : प्रभाग 4 मधून बनसोडे सुनंदा काशिनाथ यांची उमेदवारी जाहीर
चाकण | प्रतिनिधी
चाकण नगरपरिषद निवडणूक 2025-2030 साठी प्रचाराला वेग आला असून, प्रभाग क्रमांक 04 मधून बनसोडे सुनंदा काशिनाथ यांनी उमेदवारी दाखल केली आहे. सामाजिक बांधिलकी, महिला सक्षमीकरण आणि स्थानिक विकासाच्या मुद्यांवर त्यांनी मतदारांना विश्वास देत प्रचार मोहीम सुरु केली आहे.
उमेदवार सुनंदा काशिनाथ बनसोडे यांनी आपल्या पत्रकात सांगितले की, अनेक वर्षांपासून महिला बचत गटांद्वारे त्यांनी समाजकामात सहभाग नोंदवला आहे. चाकण शहराच्या मूलभूत सुविधा, रस्ते, स्वच्छता, पाणीपुरवठा आणि सुरक्षिततेसाठी स्वतःला दक्ष ठेवण्याचे आश्वासन त्यांनी मतदारांना दिले आहे.
त्यांनी म्हटले की, “चाकणचा सर्वांगीण विकास हा माझा ध्यास आहे. विश्वास, पारदर्शकता आणि प्रामाणिकपणा ही माझ्या कामाची पायाभूत तत्त्वे असतील. आगामी काळात शहराच्या वाढत्या गरजांनुसार महिला आणि कुटुंबप्रमुखांसाठी उपयुक्त योजना राबविण्यावर भर राहील.”
उमेदवारांनी नगरपरिषदेत महिलांचे प्रतिनिधित्व वाढावे यासाठी मतदारांनी त्यांना संधी द्यावी, असेही आवाहन केले आहे. तसेच, त्यांच्या “छताचा पंखा” या चिन्हावर मतदान करून विकासाच्या प्रवासात साथ देण्याचे आवाहन त्यांनी जनतेला केले आहे.
प्रभाग 04 मध्ये नगरपरिषद निवडणुकीसाठी होणारे मतदान मंगळवार, 2 डिसेंबर 2025 रोजी सकाळी 7.30 ते सायं. 5.30 वाजता होणार आहे.
मतदारांना “छताचा पंखा” हे चिन्ह ओळखून मतदान करण्याचे आवाहन करण्यात आले आहे.
